Ráiteas Polasaithe faoi Chóras Déanta Gearán an Chustaiméara

Tá Bord Fiontraíocht Phort Láirge tiomanta le seirbhís den scoth a chur ar fáil dá gcustaiméirí, do dhaoine aonaracha eile nach iad agus do eagraíochtaí a chuireann tuairisc ar sheirbhísí an Bhoird. Tá an saghas seirbhíse atá le fáil leagtha amach sa Cháirt Custaiméara againn.

Bíonn foireann an Bhoird ar a ndícheall le seirbhís den scoth a chothú agus a fheabhsú agus le leibhéal na ngearán a choimeád comh híseal agus is féidir. Ach admhaíonn an bord gur féidir gur deineadh botún ó am go ham agus b`fhéidir gur bhraith an custaiméir go raibh caighdeán na seirbhíse níos lú ná mar ba chóir.

Má bhíonn custaiméir mí-shásta leis an tseirbhís a gheibhtear, ba chóir é sin a chur in iúil don Bhord comh luath agus is féidir agus a fhios a bheith aige go ndéanfaí déileáil leis fé rún.

Tá an Bord tar éis córas déanta gearán a chur i bhfeidhm don chustaiméir a dhéanann gach iarracht deimhin a dhéanamh de go ndéanfaí an gearán a láimhseáil i slí cothrom, cóir agus oscailte.

Córas Déanta Gearán :

· Ag brath ar an saghas gearáin is féidir go mbeadh sé riachanach don ghearánaí an gearán nó sonraí ina thaobh a chur i scríbhinn go dtí an Bord.
· Cuirfear litir admhála amach, ag dearbhú gur bhfuiltear tar éis an gearán a fháil, laistigh de chúig lá oibre tar éis don litir teacht.
· Deánfidh an Bord gach gearán a iniúchadh agus a mheá agus freagra a chur amach laistigh de choicís tar éis don ghearán teacht isteach. I gcásanna nuair nach féidir an sprioc seo a bhaint amach cuirfear tuarascáil eatramhach amach á chur in iúil conathaobh go bhfuil moill ar an bhfreagra.
· Dá mba go mbeadh an custaiméir fós mí-shásta, d`fhéadfadh sé scríobh go dtí an Promhfheidhmeannach ag iarraidh air an t-ábhar a chur os comhair an chathaoirligh agus an Bhoird ag an gcéad ghnáth-chruinniú eile den Bhord.
· Seolfear cinneadh an Bhoird i dtaobh an ghearáin i scríbhinn go dtí an gearánaí laistigh de sheacht lá oibre i ndiaidh an chruinnithe seo.

An Caighdeán chun Déileáil le Gearáin

· Déanfar an gearán agat a láimhseáil le cothromaíocht agus go neamhchlaonta agus comh fada agus is féidir, faoi rún.
· Ní dhéanfaidh an gníomh chun gearán a dhéanamh pioc ar bith difir ina dhiaidh sin agus tú ag déileáil leis an mBord as sin amach.
· I gcásanna nuair atáthar tar éis earráid a dhéanamh, déanfar leithscéal a ghabháil agus miniú a thabhairt agus déanfar gach iarracht an cheist a chur ina cheart.
· I gcásanna nuair a dhéanann an gearánaí easnaimh i bpróiseais agus imeachtaí an Bhoird a thabhairt chun solais, déanfar gach iarracht an t-ábhar a cheartú comh tapaigh agus is féidir.