Cás-Staidéar - B & G Enamelling

I mí Dheireadh Fómhair 1991 chuir Eddie Butler B & G Enamelling ar bun chun comharthaí tí agus sráide a tháirgeadh. Comharthaí déanta de iarann teilgthe agus críochnaithe le dromchla cruain a bhí i gceist. Sna laethanta tosaigh bhí B&G ag feidhmiú ar bhonn páirt-aimsireach. D`fhás an gnó diaidh ar ndiaidh go dtí an pointe nuair a mheas sé gurbh fhéidir é a bhunú ar bhonn lán-aimsearach. I 1993 rith sé leis go raibh margadh ann le seirbhís a chur ar fáil ag athchruanadh soirn iarainn teilgthe

Tar éis dó an nideog seo sa mhargadh a aimsiú chuaigh B&G go dtí Bord Fiontraíochta Chathair Phort Láirge ag lorg cúnaimh chun an deis seo a thapú. D`éirigh le hiarratas an Chomhlachta agus tugadh cúnamh dó i bhfoirm deontais, bunaithe ar phlean cuimsitheach gnó agus ar phróiseas cruinn agallaimh

An lá atá inniú ann solátharaíonn B&G seirbhís athchruanaidh den chéad ghrád nach bhfuil a leithéad le fáil áit ar bith eile sa tír. Tá an ghnólacht tar éis fás go horgánach agus tá teangmháil déanta acu le comhlachtaí móra déantúsaíochta in Éirinn agus sa Ríocht Aontaithe.

Is é atá sa phróiseas ná sean soirn de iarann teilgthe a thógaint as a chéile, na piosaí a bhloscadh le gráin chun teacht ar an iarann teilgthe arís agus ansin iad a athchruanadh i bhfoirnéis ag breis agus 700 céim C. Cuirtear na páirteanna le chéile arís ansin agus tá sorn breá nua faighte agat.

Tá B&G tar éis bogadh ón áitreamh a bhí ar cíos acu in Tycor go dtí foirgneamh nua atá tógtha dóibh féin ar an Eastát Tionsclaíochta ó Thuaidh. Is é atá sa mhonarcha nua ná áiseanna úrscothacha cruain agus foirnéise comh maith le hoifigí agus foirgnimh chúntacha.

Le blianta beaga anuas tá B&G an-ghnóthach ag athchruanadh sean-fholcadáin, mar thoradh ar éileamh dona leithéad a tháinigh chun soluis sa mhargadh. Tá B&G ag obair as láimh a chéile le comhlacht sa Ríocht Aontaithe a shainfheidhmíonn i bhfolcadáin seanda iarainn teilgthe. Déanann B&G na folcadáin seo a athchruanadh roimh dá easpórtáil ar fud na cruinne.

Tá seisear fostaithe go lán-aimsearach anois ag an gcomhlacht agus tá sé ar intinn acu leathnú amach go dtí margadhaí nua mar thoradh ar an acmhainn nua táirgíochta acu sa mhonarcha nua. Is féidir teacht ar B&G ach glaoigh ar 051 352150.