D`fhéadfadh go mbeadh cabhair ag teastáil uait ó fhear coimeádta leabhar nó ó chuntasóir agus bhraithfeadh an cinneadh seo agat ar cé comh mór agus cé comh casta is atá an gnó agat. Braithfidh sé comh maith ar líon na n-idirbheart airgeadais a bhíonn ar siúil.

Ar a laghad caithfidh tú na leabhair cuntais seo leanas a choimeád:

Leabhar Airgid Thirim

le taifead de fháltais agus íocaíochtaí déanta a choimeád

Leabhar an Mhionairgid

le taifead in iomlán a dhéanamh de íocaíochtaí déanta agus airgead tirim faighte

Leabhar na nDíolachán

le taifead a dhéanamh de gach díolachán airgid thirim agus creidmheasa - cé chuige a deineadh iad agus an méid CBL a bhí i gceist le gach ceann.

Leabhar na gCeannachán

le taifead de cheannacháin airgidthirim agus creidmheasa a dhéanamh agus an méid CBL i gceist le gach ceann.

Leabhar Pá/Tuarastal

le sonraí a bhreacadh síos den phá agus na tuarastail íoctha le fostaithe agus an asbhaint chánach i dtaobh gach fostaí.

Leabhar cúnta na Seiceanna

le taifead a dhéanamh de gach íocaíocht le seic agus iad a anailísiú de réir a sórt

Maoiniú Airgid don Ghnólacht agat

Is dóichí dhe go mbeidh foinsí airgeadais ag teastáil ón bhfiontraí ó fhoinsí eile seachas a chuid pearsanta féin agus é i mbun gnólacht a chur ar bun. Don mhionghnó is é an foinse is dóichí ná banc nó comhar creidmheasa. Cuireann siad airgead ar fáil i bhfoirmeacha éagsúla ach is gnáth leo urrús a lorg lena infheistíocht féin a chosaint.

D`fhéadfadh na bainc rótharraingt a chur ar fáil faoi choinníollacha a ligeann do iasachtaí luainiú ach atá mar aidhm aige caipiteal oibre a chur ar fáil chun cabhrú le sreabhadh airgid thirim. Íoctar ús ar an rótharraingt ach d`fhéadfadh dul i méid na teorainn a bheith costasach. Ní mór duit cuimhneamh air go bhfuil an rótharraingt inaisíoctha `ar éileamh` ag an mbanc.

Is féidir gá le caiteachas caipitil a shásamh trí iasacht téarmaí. Is ionann é seo agus suim áirithe airgid a chur ar fáil i gcomhair tréimhse ama áirithe agus go ndéantar é a aisíoc ina gálaí seasta, de ghnáth go míosúil nó gach ráithe.

Is é an difríocht is mó idir rótharraingt agus iasacht téarma ná nach féidir i gcás iasacht téarma aon cheann de sna aisíocaíochtaí a ghlaoch isteach roimh am aontaithe na haisíocaíochta ach amháin i gcás mainneachtana. Cuimhnigh, gur féidir rótharraingt a ghlaoch isteach am ar bith is mian leis an mbanc, fiú amháin má tá an iasachtóir ag chomhlíonadh na téarmaí aontaithe creidmheasa.

Is féidir le ús ar iasachtaí téarmaí a bheith seasta nó athrógach ach is gnáth le ús ar rótharraingt a bheith athrógach

Beidh costais bhreise ar an iasachtaí leis as iasacht a shocrú, agus maidir leis an iasacht féin beidh gá le urrús.

Ní mór a bheith in ann na ceisteanna seo leanas a fhreagairt roimh dhul go dtí institiúid iasachtaithe
duit:

· Cé mhéid atá uait?

· Cé mhéid gur féidir leat féin a chur isteach?

· Cén tacaíocht eile atá ar fáil duit?

Ba chóir go mbeifeá tar éis na saghasanna éagsúla deontas agus tacaíochtaí airgeadais atá ar fáil do mhionghnólacht a iniúcadh. Is fearr a bheidh tú in ann tacaíocht a fháil ón mbanc má tá infheistíocht i bhfoirmeacha eile agat comh maith le do chuid airgid féin. Cuimhnigh i gcónaí, beidh an banc nó áisínteacht stáit ag coinne le go bhfuil tú féin toilteanach infheistíocht a chur isteach. Muna bhfuil an tionscnóir sásta infheistíocht a dhéanamh in a ghnólacht féin, ní féidir ansin a bheith ag coinne go mbeadh eagraíochtaí eile toilteanach infheistíocht a dhéanamh. Bíodh sé i bhfoirm deontais nó iasachta.

Tá a mhalairt saghasanna de mhaoiniú ar fáil agus ba chóir na cinn atá níos oiriúnaí dod` ghnólacht féin a fhéachaint. Maidir le seo tá sé inmholta sain-chúnamh gairmiúla a iarraidh.

Foirm eile infheistíochta is ea maoiniú cothromais agus is é atá i gceist ná airgead atá infheistithe ag an dtionscnóir agus/nó daoine eile mar thoradh ar scaireanna a fháil sa ghnólacht. Ní ghnóthaíonn cothromas gnáthscaire aon ús nó aon chostais ach leathanaíonn sé úinéireacht na gnólachta, d`fhéadfadh smachtú na gnólachta a bheith i gceist agus roinneann sé an brabús. D`fhéadfá féin, do mhuintir, cairde nó daoine eile cothromas a thógaint sa bhfiontar. Chun scair-chothromas a chur ar bun beidh comhairle agus cúnamh gairmiúla ag teastáil uait.

Saghasanna eile maoinithe is ea rótharraingtaí ghnó, a úsáidtear de ghnáth chun caipiteal oibre a chur ar fáil; nó iasachtaí téarma, a úsáidtear de ghnáth chun sócmhainní seasta a mhaoiniú nó le haghaidh chaipiteal meántéarmach.

Is minic a bhaintear feidhm as léasanna chun ceannach trealaimh a mhaoiniú agus d`fhéadfaidís a bheith ina bhfoinse éifeachtach maoinithe. Úsáidtear iad de ghnáth chun costais fheithiclí, trealahmh, daingneáin agus feistis a mhaoiniú.

Cineáil eile fós is ea maoiniú iasachta agus baintear úsáid as seo le haghaidh suimeanna móra a fháil i gcomhair sócmhainní seasta nó maoin.