Tá cúrsaí gnótha agus an dlí fite fuaite lena chéile agus tá sé seo tábhachtach nuair a chuirtear gnólacht nua ar bun agus níos déanaí comh maith.

Is é a chéad chinneadh a bhíonn le déanamh ag fiontrí ná struchtúr na gnólachta a dhéanamh amach. Bíodh sé a bheith ina thrádálaí aonair, ina pháirtíocht nó ina chomhlacht teoranta. Ta sé tábhachtach smaoineamh ar na roghanna seo agus cabhair a lorg roimh chinneadh a dhéanamh. Is é an rogha a dhéanann tú a chinnteoidh conas a ghearrfear cáin ort agus na saghasanna taifid ghnótha ba chóir a choimeád.

Léiríonn seo leanas na buntáistí agus na míbhuntáistí ag gach rogha:

Trádálaí Aonair:

· Fuirist an ghnólacht a chur ar bun

· Is beag na rialacháin i gceist

· Is tú féin fhéinigh atá freagrach as fiacha agus dliteanais na gnólachta

· Níl aon riachtanas ann cuntais airgeadais a chur ar aghaidh go dtí an oifigh um chlárú cuideachtaí le haghaidh foilsiú poiblí.

· Is féidir struchtúr na gnólachta a athrú mar shampla ina chomhlacht teoranta.

Páirtíocht:

· Mar a chéile le trádálaí aonair tá sé fuirist é a chur ar bun

· Deintear an fhreagracht a roinnt idir na páirtnéirí

· D`fhéadfadh sé go gcuirfeadh taithí agus saineolas na bpáirtnéirí leis an gcur le chéile

· Tá an fiachas neamhtheoranta agus d`fhéadfadh na páirtnéirí féin a bheith freagrach as na fiacha gnó
· Tá sé inmholta comhaontú páirtíochta a ullamhú ag sonrú líon na scaireanna ag gach páirtnéir, roinnt an bhrabúis agus an nós imeachta i gcás briseadh suas.

Comhlacht Teoranta:

· Meastar gur aonán aonarach dlí é agus tá an úinéireacht inaistrithe trí sheilbh scaireanna

· Ní freagracht é ar na stiúirthóirí, fiachas an chomlachta

· Caithfear é a bhunú ar bhonn dlíthiúla agus fioscach

· Ní mór cuntais airgeadais agus araile a chur go dtí An Oifig um Chlárú Cuideachtaí gach bliain de réir Acht na gCuideachtaí

Tar éis struchtúr na gnólachta a roghnú agus tar éis tosnú ag obair, bíonn breis riachtanaisí dlí le chomhlíonadh faoi fhostaíocht, sláinte agus sábháilteacht, smachtú truaillithe, ioncam agus a lán eile nach iad. Ba chóir an chomhairle chuí a lorg chun deimhin a dhéanamh de go bhfuil gach ní maidir leis na rudaí seo in ord is in eagar.