Ní mór do tháirge nó seirbhís ar bith gá éigean a shásamh. Muna bhfuil gá leis ní bheidh custaiméirí ann dó. Má dhéanann tú gá a shásamh beidh custaiméirí agat. Caithfear ansin an táirge / seirbhís agat a chur i láthair an chustaiméara le dul chun cinn a dhéanamh.

Má`s ea, conas is féidir teacht ar na custaiméirí ? Bhuel caithfear a fhios a bheith agat cé hiad agus cá bhfuil siad agus an praghas a bheidís sásta a íoc don táirge / seirbhís. Níl ach an t-aon slí amháin ann chun freagra a fháil ar na ceisteanna seo - caithfidh tú bun-thaighde margaidh a dhéanamh.

· Caithfidh an gá a dhéanfaidh an ghnólacht a shásamh a scríobh amach agus ansin má tá níos mó ná gá amháin i gceist liosta a dhéanamh díobh

· Cé hiad na daoine a bhfuil gá acu leis an táirge / seirbhís. Déan liosta de sna daoine agus na gnólachtaí. Ní mór é seo a dhéanamh go han-chruinn

· Cad é an limistéir a dhéanfaidh tú freastal air?

· An mbeadh go leor custaiméirí sa limistéir sin? An gá duit dul níos faide amach agus an féidir leat freastal ar limistéir níos fairsinge ?

Chun teacht ar chustaiméirí bain úsáid as na Leathanaigh Órga, Eolairí Tráchtála agus araile. Ná déan dearmad ar an idirlíon chun cabhrú leat, áis a d`fhéadfadh foinsí amh-ábhair, earraí agus araile a aimsiú.

· Scríobh amach liosta de sna cineáil daoine gur féidir leo a bheith ina gcustaiméir agat
· Chun deileáil leis an liosta seo cuir ceistiúchán gairrid le chéile le fáil amach an bhfuil gá sa mhargadh atá roghnaithe agat leis an táirge / seirbhís seo. Cuimhnigh, coimeád an ceistiúchán comh gear agus is féidir

· Cuir glaoch teilefóin ar na gnólachtaí ar an liosta agat. Mínigh do dhuine atá ar a chumas / cumas do chuid ceisteanna a fhreagairt, cad é atá ar intinn agat a dhéanamh. Téir tríd an ceistiúchán agat comh tapaigh agus is féidir agus gabh do bhuíochas leis / léi ag an deireadh

· Anois agus na ceistiúcháin uile déanta agat ní mór na torthaí a iniúchadh. Déanfaidh an anailísiú seo a thaispeáint an bhfuil gá ag an sprioc-mhargadh atá roghnaithe agat leis an táirge/ seirbhís i gceist.

· Cabhróidh tuilleadh machnaimh agus anailísiú leat an idé gnótha agus na margadhaí a athscagadh. Is féidir go dtiocfá ar a mhalairt aigne i dtaobh cad é an margadh is ceart duit, agus má`s ea ní mór ceistiúchán nua a ullamhú agus an taighde teilefóin a athdhéanamh.

Ar ndóigh is féidir go léireodh an taighde margaidh nach bhfuil margadh ann dod` tháirge/seirbhís. Tá
sé riachtanach a thuiscint cad tá á rá ag an taighde. Cuimhnigh i gcónaí gurb ionann easpa margaidh
agus easpa custaiméirí agus sin deireadh leis an ngnó