Ceann de sna tréithe a bhíonn ag fiontraí is ea an t-inspreagadh tréan agus gan dabht bíonn sé ag teastáil mar d`fhéadfadh teacht ar thorthaí do chuid shaothair a bheith mall. Bíonn thuas agus thíos ann i gcúrsaí gnó agus is gnáthaí tréimhse trí bliana a bheith ann roimh aon bhrabús a dhéanamh. Má`s ea, ina dhiaidh seo is uile má theastaíonn uait fós dul ar aghaidh leis an bhfiontar ní mór duit cuimhneamh ar na nithe seo leanas :

· An bhfuil tú ar thóir gustal pearsanta ?

· An bhfuil tú ag iarraidh céime ?

· An bhfuil tú ag iarraidh todhchaí an teaghlaigh a dhéanamh slán ?

· An dteastaíonn uait a bheith i bhfeighil do ghnólacht féinigh agus an saoirse agat do thoil féin a dhéanamh ?

· An bhfuil idé maith agat agus a fhios agat gur féidir leat é a thabhairt i gcrích ?

Tá tú tar éis na ceisteanna a fhreagairt. Tá sé in am liosta a dhéanamh de sna freagraí agus iad a chur in ord a dtábhachta i dtreo is gur féidir leat tagairt a dhéanamh dóibh i rith an phróisis seo. Tá sé tábhachtach ní hé duit féin amháin ach do sna bainc, áisínteachtaí stáit agus araile a fhios a bheith acu cad é an t-inspreagadh agat agus na fáthanna.